Ola! Son Lola e aquí estou de novo co meu irmán Toni e a nosa pediatra favorita, Lucía, dándolle a benvida ao verán.
Xuntos iremos á praia, aprenderemos a importancia de aplicar crema para protexernos do sol e iremos de excursión para ver golfiños. Nestes contos coñeceredes a Fermín o golfiño e a medusa Maruxa, que me picará e terei que ir ver a miña pediatra, Lucía, para que me cure. Ela explicarame moitas cousas moi interesantes que seguramente che encantarán. Ademais, o meu tío José, na nosa viaxe en barco, explicaranos os distintos tipos de familias que existen e o bonito que é quererse e respectarse.
Xusto antes de ir de vacacións enfermarei de larinxite, pero vou volver ver ao meu pediatra e xa me dirá que é. Non teño medo de ir ao médico porque Lucía explícame todo moi ben e nunca me fai dano.
Ademais, para celebrar as vacacións collerei o meu primeiro avión.Que emoción! E verei os meus avós en Asturias, que me ensinarán a nadar na súa piscina. Sabes o importante que é aprender a nadar, non?